Lið Menntaskólans í Reykjavík (MR) sigraði lið Kvennaskólans í Reykjavík, sigurvegara síðasta árs, í átta liða úrslitum Gettu betur í kvöld, 25:24.
Meistararnir eru þar með úr leik en MR-ingar hafa tryggt sér sæti í undanúrslitum.
Fjölbrautaskólinn við Ármúla og Borgarholtsskóli hafa þegar tryggt sér sæti í undanúrslitum. Næsta föstudag kemur í ljós hvort það verður Verzlunarskóli Íslands eða Menntaskólinn á Ísafirði sem tryggir sér síðasta sætið í undanúrslitunum.
Lið MR skipa Ármann Leifsson, Birta Líf Breiðfjörð Jónasdóttir og Víkingur Hjörleifsson.
Lið Kvennaskólans skipa Ari Borg Helgason, Áróra Friðriksdóttir og Berglind Bjarnadóttir.