Kvöldið og nóttin fóru rólega af stað hjá lögreglu og helstu verkefni voru minni háttar mál af ýmsum toga, að því er segir í dagbók lögreglu.
Fjórir voru handteknir vegna vímuefnaaksturs á tímabilinu. Eftir klukkan fjögur fór hins vegar aðeins að færast hiti í mannskapinn og nokkuð var um pústra fram til klukkan 5, bæði í miðbænum og öðrum hlutum borgarinnar. Málin voru þó ekki alvarleg en alls gista sex manns fangageymslur.