Loka þurfti fyrir umferð á gatnamótum Sæbrautar og Kringlumýrarbrautar við Kirkjusand í kvöld eftir harðan árekstur tveggja bíla á níunda tímanum í kvöld.
Í fyrstu var óttast að slysið væri alvarlegt en að lokum þurfti ekki að flytja neinn á sjúkrahús. Þetta segir varðstjóri slökkviliðsins á höfuðborgarsvæðinu í samtali við mbl.is.
Opnað hefur verið fyrir umferð á nýjan leik og er vinnu á vettvangi lokið.