Gott ef samkeppnin lækkar pítsuverð

„Við fögnum auðvitað allri samkeppni og sér í lagi ef hún er til þess fallin að lækka verð.“ Þetta segir Breki Karlsson, formaður Neytendasamtakanna, og tekur þar með undir orð Þórarins Ævarssonar, eiganda pítsastaðarins Spaðans sem nýverið tók til starfa.

Frétt af mbl.is

Furðar sig á 50% afslætti keppinautar

Þórarinn hefur gagnrýnt risann á markaðnum, Dominos, fyrir hátt verð og meðal annars bent á að fyrirtækið veiti stundum allt að 50% afslátt af verði á matseðli. „Hvernig geta þeir verið að bjóða 50% af­slátt? Það seg­ir manni að álagn­ing­in hafi nú verið ein­hver,“ sagði Þórarinn í viðtali við Morgunblaðið á dögunum.

Frétt af mbl.is

Domino‘s tekur samkeppninni fagnandi

Breki Karlsson, formaður Neytendasamtakanna. Morgunblaðið/Sigurður Bogi

Breki segir að verðsamanburður á pítsum geti verið flókinn. „Eins og á mörgum öðrum mörkuðum eru stærðir og skammtar mismunandi og gæðin líka,“ segir Breki. Þá leiki pítsastaðir þann leik að stilla verðinu hátt en veita ýmiss konar afsláttarkjör ef pantað er á réttum tíma og með réttum hætti. Eru sumir pítsustaðir enda „tilboðsdrifnir“ líkt og markaðsstjóri Domino's orðaði það. Slíkt flækir allan verðsamanburð, en hér verður þó gerð heiðarleg tilraun.

• Blogga um frétt