Kalt er í veðri og stöku él falla á heiðum á fjallvegum á Norðaustur- og Austurlandi. Akstursskilyrði geta orðið varasöm og eru vegfarendur hvattir til að sýna aðgát.
Til að mynda er hálka og skafrenningur á Fjarðarheiði og þar þriggja stiga frost, samkvæmt vefsíðu Vegagerðarinnar.
Annars er spáð norðvestan 3-8 í dag, en 8-13 austast. Víða þurrt og bjart veður, en skýjað með köflum fyrir norðan og líkur á stöku éljum NA-til. Hiti 3 til 15 stig, mildast syðst.