Miklar umferðartafir eru á Kjalarnesi vegna malbikunarframkvæmda og umferð er handstýrt og geta liðið um það bil 20 mínútur á milli þess að skipt er um stefnu.
Þetta kemur fram í tilkynningu frá Vegagerðinni.
Er vegfarendum bent á hjáleið um Mosfellsheiði, Kjósarskarð og Hvalfjörð.
Þá er tekið fram, að hin akreinin verði malbikuð á morgun, þriðjudaginn 7. júlí, og þá megi einnig reikna með töfum.