Forstjóri og framkvæmdastjórn Landspítala hafa ákveðið að frá og með morgundeginum þurfi starfsfólk spítalans sem fer erlendis í frí að fara í sóttkví í fimm daga við heimkomu á eigin kostnað.

„Starfsfólk sem fer erlendis í frí þarf því að gera ráðstafanir vegna sóttkvíar í að minnsta kosti 5 daga eftir heimkomu og að hafa óskað eftir og fengið samþykkt frí þann tíma áður en farið er. Þessi breyting tekur gildi 10. júlí 2020“, segir á vef Landspítalans.

Frétt af mbl.is

Engar tilslakanir verða fram til 26. júlí

Þar er ákvörðunin rökstudd með því að í leiðbeiningum sóttvarnalæknis komi skýrt fram að þau sem á Íslandi búa sé ráðið frá ferðalögum á áhættusvæði. Sömuleiðis hafi heilbrigðisráðherra tekið ákvörðun um breyttar reglur um skimun á landamærunum. 

„Þeir sem búa á Íslandi og hafa tengslanet á landinu þurfa að skila sýni á landamærum og aftur eftir 5 daga og vera í sóttkví heima þar til svar úr seinna sýninu er neikvætt.
Í ljósi þess hafa forstjóri og framkvæmdastjórn Landspítala ákveðið að starfsfólk sem fer erlendis í frí þurfi að fara í sóttkví þennan tíma á eigin kostnað“, segir á vef spítalans.

Síðustu þrjú orðin eru feitletruð og því væntanlega athygli starfsfólks sérstaklega vakin á því að starfsfólk þurfi að taka út frídaga þá daga sem það er í sóttkví eða fái ella ekki laun þann tíma sem sóttkví stendur. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Það gerir Akureyrarbær líka