Tekin hefur verið ákvörðun um að Guðlaug verði lokuð áfram til og með 14. ágúst. Áður hafði verið tekin ákvörðun um að loka Guðlaug frá og með 31. júlí og fram yfir síðastliðna helgi. Þetta kemur fram á vef Akraneskaupstaðar.
Er þetta sökum breyttra aðstæðna í samfélaginu sem rekja má til útbreiðslu kórónuveirunnar. Eftir að hafa endurskoðað framangreinda afstöðu var talin ástæða til að hafa áfram lokað.
Sömuleiðis var búið að loka líkamsræktarsal á Jaðarsbökkum til a.m.k. 10. ágúst, þar sem ekki verður unnt að fylgja tilmælum sóttvarnalæknis um þrif á tækjum og aðstöðu.