Bylgjurnar bornar saman
Setja bókamerki
Vísindamenn frá Háskóla Íslands, embætti landlæknis og Landspítala stefna enn á að birta nýtt spálíkan vegna annarrar bylgju kórónuveirufaraldursins á föstudag. Þróun annarrar bylgju virðist viðráðanlegri, en nú þegar nítján dagar eru síðan fyrsta smit greindist eru virk smit 114 en þau voru 602 nítján dögum eftir fyrsta innanlandssmitið í mars.
Á vefnum covid.hi.is kemur fram að upphaf annarrar bylgju, 23. júlí, líkist að mörgu leyti upphafi fyrstu bylgjunnar; sem hófst 4. mars.
Takmörkun samkoma við 100 manns var innleidd á áttunda degi annarrar bylgju en á tólfta degi í fyrstu bylgju, sem er fjögurra daga munur. Þessi skjótu viðbrögð ásamt fyrrgildandi takmörkunum við 500 manns gætu haft áhrif á þróun faraldursins, kemur þar fram en eins og áður hefur komið fram greindust engin innanlandssmit í gær.
Ítrekað er að þrátt fyrir að núverandi bylgja virðist vera að renna sitt skeið verði þessi vika að minnsta kosti að líða áður en úrskurðað verður með eitthvað slíkt.
Banna mengandi búnað sem leyfður er á Íslandi
Vélsleðaslys: Þyrlan kölluð út á mesta forgangi
„Hvílir mikil leynd yfir þessu öllu“
Kostnaður meiri en milljón á fermetra
„Umsátursástand“