Of snemmt að segja til um eldvirkni

Engir stórir eftirskjálftar hafa orðið í Grímsey það sem af er morgni þó að enn mælist einhver skjálftavirkni. Þrír skjálftar yfir 4 að stærð urðu undan Grímsey í nótt og segir Veðurstofan að henni hafi borist tilkynningar víða að á Norðurlandi þar sem íbúar segjast hafa orðið skjálftans varir.

Frétt af mbl.is

Öflugir skjálftar nálægt Grímsey í nótt

Veðurfræðingur Veðurstofu Íslands segir að of snemmt sé að segja til um hvort þetta muni hafa einhverja eldvirkni í för með sér en virkar eldstöðvar eru nokkra kílómetra austur af Grímsey þar sem skjálftarnir urðu. Segir veðurfræðingur að grannt sé fylgst með stöðu mála.

Veðurstofan bendir íbúum á þekktum skjálftasvæðum að kynna sér varnir og viðbúnað vegna jarðskjálfta. 

• Blogga um frétt