Spáð er suðaustan 8 til 15 metrum á sekúndu austanlands í dag en annars verður mun hægari vindur.
Rigning verður með köflum en úrkomulítið vestanlands. Hiti verður á bilinu 4 til 11 stig, hlýjast eystra. Vestlægari átt verður í kvöld og rofar víða til en kólnar heldur.
Norðlæg átt verður á morgun, 3-10 m/s og víða dálitlar skúrir eða slydduél, en þurrt að kalla suðvestantil. Hiti verður á bilinu 0 til 10 stig, hlýjast syðst.