35 innliggjandi sem ekki þurfa einangrun
Ragnhildur Þrastardóttir
Setja bókamerki
Tíu liggja á Landspítala með virk kórónuveirusmit ásamt 35 Covid-sjúklingum sem einangrun hefur verið létt af en eru annaðhvort enn að jafna sig eða lágu á Landspítala áður en þeir smituðust af kórónuveirunni. Enn er fólk lagt inn á spítalann veikt af Covid-19, að sögn Önnu Sigrúnar Baldursdóttur, aðstoðarmanns forstjóra Landspítala, en spítalinn er þó kominn yfir erfiðasta hjallann.
„Núna eru hjá okkur 10 einstaklingar sem eru með virkt smit og 35 aðrir sem við erum búin að létta einangrun af. Tveir eru á gjörgæslunni hjá okkur og þeir eru báðir í öndunarvél. Enn er fólk lagt inn [vegna Covid-19] og það er kannski það sem skiptir helst máli,“ segir Anna Sigrún í samtali við mbl.is.
Óvissustig allt annað líf
Spurð um þá sem ekki eru smitaðir lengur en liggja enn inni á Landspítala segir Anna Sigrún:
„Þeir voru annaðhvort inni fyrir eða eru að jafna sig eftir veikindin. Hafa bara þurft það langa legu.“
Anna Sigrún segir aðspurð að spítalinn sé sannarlega kominn yfir erfiðasta hjallann en um 70 lágu þar veikir af Covid-19 þegar mest lét. Spítalinn var færður af hættustigi í gær.
„Við fórum niður á óvissustig í gær. Þannig að það er allt annað líf,“ segir Anna Sigrún.
Hafa samþykkt kaup fyrir um 9,2 milljarða
„Það er skiljanlegt að þolinmæði þeirra sé lítil“
„Þögnin er ærandi“
Mikil skjálftavirkni á landinu áhyggjuefni
Innviðir þandir og álagið „gríðarlegt“
Hjón sluppu með skrekkinn
Stóraukið fé til samgöngusáttmála
„Menn eru bara búnir að forgangsraða“