38 leikskólabörn og sex starfsmenn eru nú í sóttkví eftir að smit kom upp í leikskóla í Grafarvogi. Leikskólinn sem um ræðir heitir Hulduheimar og eru um 80 börn í skólanum.
Leikskólanum var skipt í tvö sóttvarnahólf og fóru allir starfsmenn og börn í öðru þeirra, þ.e. tveimur eldri deildum skólans, í sóttkví vegna Covid-19 smits sem kom upp hjá barni.
Elín Rós Hansdóttir, leikskólastjóri staðfesti þetta í samtali við mbl.is