Innlent | mbl | 12.1.2021 | 21:07 | Uppfært 22:16

Ekki skrýtnari tímasetning en hver önnur

„Þetta er bara eðlilegur hluti af því sem við höfum margrætt og hófst með þessu markmiði sem sett var í stjórnarsáttmála,“ segir Katrín Jakobsdóttir forsætisráðherra um söluferlið. mbl.is/Kristinn Magnússon

Katrín Jakobsdóttir forsætisráðherra segist styðja áform um sölu á á eignarhlutum ríkisins í Íslandsbanka. Hún segir tímasetninguna nú ekki skrýtnari en einhverja aðra og markmiðið „ekkert óskynsamlegra en það var þegar það var sett“.

Eins og áður hefur komið fram hefur Bjarni Benediktsson fjármálaráðherra fallist á tillögu Bankasýslu ríkisins um að undirbúningur verði hafinn að sölu á eignarhlutum ríkisins í Íslandsbanka.

Frétt af mbl.is

„Þetta er auðvitað bara hluti af stjórnarsáttmálanum, að draga úr eignarhaldi ríkisins á fjármálafyrirtækjum. Þetta er í stjórnarsáttmálanum vegna þess að enginn þessara flokka [Sjálfstæðisflokks, Vinstri grænna og Framsóknar] telur skynsamlegt að ríkið eigi jafn stóran hluta af fjármálakerfinu og raun ber vitni,“ segir Katrín.

Frétt af mbl.is

Mikill halli á ríkissjóði vegna kórónuveirunnar

Ekki óskynsamlegra markmið en þegar það var sett

Ríkissjóður stendur illa vegna kórónuveirufaraldursins og er hallinn mikill. Þingmenn stjórnarandstöðunnar hafa gagnrýnt tímasetningu söluferlisins og sagt að hún sé furðuleg þegar litið sé til stöðu ríkissjóðs. Katrín segir það af og frá.

Frétt af mbl.is

„Tímasetningin er hreint út sagt furðuleg“

„Mér finnst þetta ekkert endilega skrýtnari tímasetning en hver önnur. Við erum bara á þeim stað núna að við erum áfram að vinna að þeim markmiðum sem við settum og ég held að þetta markmið sé ekkert óskynsamlegra en það var þegar það var sett.“

Þá segir Katrín að ýmislegt hafi verið gert til þess að draga úr eignarhaldi ríkisins á fjármálafyrirtækjum.

Frétt af mbl.is

Salan ekki gáfuleg ef „ríkissjóður er upp við vegg“

„Það hefur verið unnin hvítbók um endurskoðun fjármálakerfisins, það er búið að leggja fram lagafrumvörp sem eru byggð á þeirri vinnu, meðal annars frumvarp sem nú er inni í þinginu varðandi varnarlínu um fjárfestingabankastarfsemi gagnvart viðskiptastarfsemi. Eigendastefnu ríkisins hefur verið breytt, sú stefna hefur verið mörkuð að Landsbankinn skuli vera áfram í eigu ríkisins.“

Sigurður Ingi Jóhannsson, samgöngu- og sveitastjórnarráðherra, segir í samtali við mbl.is að Framsóknarmenn styddu söluferlið. Því er útlit fyrir að einhugur sé um málið innan ríkisstjórnarinnar.