Einn kinnhestur en ekki tvö hnefahögg

Málið var rekið fyrir Héraðsdómi Norðurlands eystra.
Málið var rekið fyrir Héraðsdómi Norðurlands eystra. mbl.is/Skapti

Karlmaður um sjötugt hefur verið dæmdur fyrir að reka öðrum manni einn kinnhest á Akureyri í apríl á síðasta ári. Upphaflega var hann ákærður fyrir líkamsárás með að hafa gefið manninum tvö hnefahögg í andlitið.

Fram kemur í dómi Héraðsdóms Norðurlands eystra að ákæruvaldið hafi breytt ákærunni við meðferð málsins úr tveimur hnefahöggum í einn kinnhest. Eftir breytinguna játaði maðurinn líkamsárásina og var hann í framhaldinu dæmdur í 30 daga skilorðsbundið fangelsi.

mbl.is
Fleira áhugavert
Fleira áhugavert