Framsóknarflokkurinn næði ekki inn þingmanni í Reykjavíkurkjördæmunum tveimur ef kosið yrði til Alþingis nú samkvæmt nýrri könnun Maskínu fyrir fréttastofu Stöðvar 2, Vísis og Bylgjunnar. Þá mælist Samfylkingin stærsti flokkurinn í Reykjavíkurkjördæmi norður.
Sjálfstæðisflokkurinn mælist stærsti flokkurinn í Suðvesturkjördæmi eða með 27 prósent fylgi. Samfylkingin og Viðreisn mælast síðan jafnstór í kjördæminu eða með 15,2 prósenta fylgi.
Gögnin á bak við kjördæmin þrjú koma úr tveimur mælingum sem Maskína gerði fyrir fréttastofu Stöðvar 2, annars vegar í desember 2020 og hins vegar í janúar 2021.
Fjöldi svarenda í Reykjavík suður var 557, fjöldi svarenda í Reykjavík norður 632 og fjöldi svarenda í Suðvesturkjördæmi var 807.
Niðurstöður könnunarinnar á landsvísu voru birtar um helgina.