Skjálfti að stærð 4,4 á Reykjanesskaga
Mynd tekin á Reykjanesskaga eftir að skjálftahrinan fór af stað á miðvikudag.
mbl.is/Kristinn Magnússon
Setja bókamerki
Klukkan sex mínútur yfir tólf í dag varð skjálfti að stærð 4,4 á Reykjanesskaga, skammt frá Fagradalsfjalli. Skömmu síðar, eða klukkan 12:10 mældist skjálfti að stærð 3,6 á sama svæði.
Fjórum mínútum síðar, klukkan 12:14 varð skjálfti að stærðinni 3,4 og klukkan 12:24 varð annar skjálfti af stærðinni 4,0. Skjálftarnir hafa flestir átt upptök sín skammt frá Fagradalsfjalli.
Veðurstofunni bárust tilkynningar víða að um að fólk hafi fundið fyrir stærri skjálftanum. Hann fannst t.a.m. á höfuðborgarsvæðinu, í Borgarnesi og á Hellu.
Jarðskjálftahrina hófst á miðvikudag þegar stór skjálfti að stærð 5,7 mældist á Reykjanesskaga.
Fréttin hefur verið uppfærð og leiðrétt með nýjum upplýsingum frá Veðurstofu Íslands
Vona að Orkustofnun veiti ekki virkjunarleyfi
Skar höfuðleðrið af íslenskri konu
Shakespeare fannst í skókassa
Skemmtiferðaskip hætt komið nærri Viðey
„Það þarf að vinna mikinn fjölda upp“
Vélsleðaslys: Þyrlan kölluð út á mesta forgangi
„Umsátursástand“