„Leist ekki alveg nógu vel á þetta“
Setja bókamerki
Starfsmenn Vegagerðarinnar eru á leið að Suðurstrandarvegi til að loka veginum á milli Hrauns og Krýsuvíkurafleggjara, það er austan Grindavíkur.
„Þeir eru á leiðinni með lokunargrindur og verða þarna á staðnum um klukkan sex,“ segir Jóhann Bjarni Skúlason, yfirverkstjóri Vegagerðarinnar í Hafnarfirði, í samtali við mbl.is.
Sig hefur orðið á veginum og verður honum lokað klukkan 18 síðdegis. Staðan verður metin að nýju klukkan átta í fyrramálið.
Ekki góðar horfur
„Sérfræðingar Vegagerðarinnar komu þarna um miðjan dag í dag til að skoða veginn. Þetta eru ekki góðar horfur. Það er of mikið af sprungum í veginum, líka í vegrásinni og fyllingunni allri. Þeim leist ekki alveg nógu vel á þetta.“
Ljóst sé að töluvert þurfi að laga til að koma veginum aftur í fullkomið horf. Fyllingin undir veginn sé mjög há og ef losnar úr henni geti gat myndast inn í miðjan veg.
„Svo spáir rigningu ofan í þetta í nótt, þannig að við tókum þá ákvörðun að loka bara.“
Fyrr í dag var sagt frá því að nýjar myndir sýndu fleiri misgengi sem hafa verið að hrökkva og skríða til. Nokkur þeirra eru í kringum Grindavík.
Vona að Orkustofnun veiti ekki virkjunarleyfi
„Það þarf að vinna mikinn fjölda upp“
„Hvílir mikil leynd yfir þessu öllu“
„Skýr skilaboð til Seðlabankans“
Tóku upp hanskann fyrir leikskólabörn
Skiptir miklu meira máli en fólk grunar
Handteknir eftir myndatöku í Vesturbæjarlaug