Ákveðið hefur verið að loka Suðurstrandarvegi fyrir umferð við Festarfjall, eftir að vart varð við að vegurinn hefði sigið.

Lokunin gildir frá Hrauni að Krýsuvíkurafleggjara og tekur gildi klukkan 18 í dag.

Í tilkynningu frá Vegagerðinni segir að staðan verði metin að nýju klukkan átta í fyrramálið.

Skemmdir í veginum komu í ljós í kjölfar stóra skjálftans sem reið yfir á sunnudag. Upptök hans voru talin vera beint undir veginum.

Fyrr í dag var sagt frá því að nýjar myndir sýndu fleiri mis­gengi sem hafa verið að hrökkva og skríða til. Nokk­ur þeirra eru í kring­um Grinda­vík.

Frétt af mbl.is

Dregur úr þenslu en fleiri sprungur finnast

Tengdar fréttir

Eldvirkni á Reykjanesskaga

„Maður sefur ekki á næturnar“

• Kvikan virðist nú skiptast til helminga
• Segir Þórkötlu reyna að slá mótmæli niður
• Hafa samþykkt kaup fyrir um 9,2 milljarða
• „Þögnin er ærandi“

» Fleiri tengdar fréttir

• Blogga um frétt