Einstaklingar úr fjórum herbergjum hafa yfirgefið sóttkvíarhótelið í Þórunnartúni að sögn Gylfa Þórs Þorsteinssonar, forstöðumanns farsóttarhúsa Rauða krossins.

Skyldudvöl í húsinu var dæmd ólögmæt í héraðsdómi í dag, í máli tólf manns sem höfðu í önnur hús að venda. 

Frétt af mbl.is

Skyldudvöl dæmd ólögmæt

Fólk sem hyggst yfirgefa húsið þarf að tilgreina hvar það kýs að halda sóttkví, líkt og farþegar hafa hingað til gert við komuna til landsins í faraldrinum.

Óvíst með útiveru

Gylfi segir starfsfólk nú undirbúa bréf þar sem gestum er gert ljóst að þeir megi klára sóttkví annars staðar en í sóttvarnahúsinu, líkt og heilbrigðisráðherra tilkynnti að yrði gert í dag.

„Við erum að undirbúa þetta eins hratt og mögulegt er,“ segir hann. 

Fá þeir sem dvelja í húsinu leyfi til þess að fara út undir bert loft?

„Það er næsta mál á dagskrá að skoða það. Það er svolítið erfitt þegar við erum með 200 manns í húsi, að skipuleggja útiveru hvers og eins. Þá geta hópar farið að hittast og farþegar sem eru að koma í húsið geta blandast þeim,“ segir hann.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• P.Valdimar Guðjónsson: Vorkenni hæfum sóttvarnarlækni.