Óhætt að eyða skilaboðum frá BPO
Oddur Þórðarson
Setja bókamerki
Innheimtufyrirtækið BPO Innheimta varar við því á heimasíðu sinni að óprúttinn aðili hafi sent SMS-skilaboð til grunlauss fólks og sagt að það ætti óuppgerða skuld við fyrirtækið. Á vefsíðu fyrirtækisins kemur fram að BPO sé ekki að senda út slík SMS-skilaboð og því er þeim sem fá slík skilaboð óhætt að eyða þeim.
Breki Karlsson, formaður Neytendasamtakanna, segir við mbl.is að tugir tilkynninga hafi borist til samtakanna um fólk sem fengið hefur skilaboðin. Hann segir að Neytendasamtökin geti ekki og ætli því ekki að aðhafast í málinu, að svo stöddu.
/frimg/1/7/39/1073964.jpg)
Hrafnkell V. Gíslason, forstjóri Póst- og fjarskiptastofnunar, segir við mbl.is að honum hafi ekki verið kunnugt um málið, enn sem komið er, en leggur áherslu á að sægur mála af þessu tagi hafi komið inn á borð stofnunarinnar undanfarin ár. Þá sérstaklega í tengslum við Íslandspóst, þar sem óprúttnir aðilar reyndu að hafa fé af fólki í nafni póstsins.
Baldur: „Ég ætla að svara þessu kalli“
Myndskeið: „Fólk var komið ískyggilega nálægt“
Segir nýtt frumvarp gefa eldisfyrirtækjum auðlindir
Lögreglan rannsakar andlát konu í fjölbýlishúsi
Réttlátara kerfi: Flestir fá 30 þúsund eða meira
„Við erum ekki að refsa fólki fyrir að vinna“