Mest gosvirkni er nú í nýjustu gígunum á gossvæðinu og einkum í gígnum sem sést á vefmyndavél mbl.is.
Gufu leggur frá jörðinni í nágrenni við virkasta gíginn og vöknuðu þá grunsemdir meðal gosáhugamanna um að nýr gígur hefði opnast.
Náttúruvárfræðingur Veðurstofu á svæðinu staðfesti hins vegar að svo væri ekki, um væri að ræða brennandi mosa.
Sigþrúður Ármannsdóttir, náttúruvársérfræðingur á Veðurstofu, segir að hitinn á svæðinu geri þetta að verkum en engin virkni er lengur í syðsta gígnum og þeim nyrsta, fyrir utan litla gufu sem leggur frá þeim.