Frumvarp til laga um breytingu á lögum um lax- og silungsveiði, þar sem aukin minnihlutavernd í veiðifélögum var lögð til, var samþykkt á Alþingi í gær. 

Sambærilegt frumvarp var lagt fram á síðasta þingi en náði ekki fram að ganga. 

Meðal breytinga sem frumvarpið nær til er grein lagana sem kveður á um ráðstöfun veiðiréttar. Nýju ákvæði var bætt við um að samþykki hið minnsta tveggja þriðjuhluta atkvæða þurfi ef lagt er til að draga úr veiði frá því sem tíðkast hefur á viðkomandi veiðisvæði, nema að breytingarnar séu óverulegar. 

Frétt af mbl.is

Samtök Ratcliffe halda ráðstefnu um laxinn

Frumvarpið sem um ræðir er stundum kennt við Ratcliffe, breskan auðkýfing sem keypt hefur upp stóra hluta veiðiréttar í íslenskum lax- silungsveiðiám. 

Með frumvarpinu er reynt að torvelda að einn aðili geti stjórnað algjörlega ákvörðunum sem snúa að ákveðnum veiðifélögum, þó að hann eigi meirihluta í veiðirétti árinnar. 

Kristján Þór Júlíusson, sjávarútvegsráðherra sem lagði fram frumvarpið, hefur þó neitað að frumvarpið hafi verið lagt fram til höfuðs Ratcliffe. 

Frétt af mbl.is

„Ekki hugsað til höfuðs einum eða neinum“

Tengdar fréttir

Alþingi

Fullur kraftur settur í borgarlínuna

• Stjórnarflokkar þrefa enn um bæði menn og málefni
• „Ekki ástæða til þess að snúa öllu á hvolf“
• Vilja að dagskrá þingfundarins verði breytt
• Fjármálaáætlunar von í næstu viku

» Fleiri tengdar fréttir

• Blogga um frétt