Lögreglan á Suðurnesjum hefur ákveðið að loka fyrir umferð inn á gossvæðið í Geldingadölum í dag af öryggisástæðum. Þessi ákvörðun var tekin í samráði við almannavarnadeild ríkislögreglustjóra eftir að hraun fór að flæða upp úr sunnanverðum Geldingadölum, yfir gönguleið A og niður í Nátthaga.

Frétt af mbl.is

Flæðir upp úr Geldingadölum yfir gönguleiðina

Í tilkynningu á Facebook-síðu lögreglustjóraembættisins kemur fram að viðbragðsaðilar þurfi svigrúm til að endurmeta aðstæður.

Gönguleið A hefur verið aðalgönguleiðin að gossvæðinu mestan gostímann, en byrjað var að undirbúa lagningu nýrrar gönguleiðar á svipuðum stað og gönguleið B hefur verið, þ.e. vestan megin í Fagradalsfjalli.

Frétt af mbl.is

Gæslan skoðar hvort einhver sé innlyksa

Með breytingunni núna lokast af stórt svæði suðvestan við gosstöðvarnar sem hefur verið einn vinsælasti staðurinn til að fylgjast með gosinu og hraunflæðinu. Er svæðið því nú orðið að óbrynnishólma, en nokkrir aðrir slíkir hafa myndast frá því að gosið hófst. Þetta er hins vegar langstærsti slíki hólminn.

Uppfært: Landhelgisgæslan flaug yfir svæðið sem lokaðist í dag og kannaði hvort einhver hefði orðið innlyksa. Samkvæmt upplýsingum frá Gæslunni sást enginn á svæðinu.

Tengdar fréttir

Eldvirkni á Reykjanesskaga

Helmingur umsókna samþykktur fyrir vikulok

• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu
• Ný mynd sýnir hvernig enn gýs úr gígnum

» Fleiri tengdar fréttir

• Blogga um frétt