Fórni ekki lífi sínu til bjargar þeim sem fara upp á hraunið
Setja bókamerki
Myndskeið sem birt var á Jarðsöguvinum í gær sýnir flæðandi hraun brjótast upp úr að því er virðist storknuðum hraunkanti.
Myndskeiðið var tekið í Merardölum um klukkan 19 á fimmtudag, en Vala Dröfn Hauksdóttir björgunarsveitarkona birtir myndskeiðið.
„Það er einmitt út af þessu sem verið er að vara fólk við að fara upp á hraunjaðarinn. Við í björgunarsveitunum munum aldrei fórna eigin lífi til að bjarga fólki sem hættir sér upp á hraunið,“ skrifar Vala með myndskeiðinu.
Töluvert hefur borið á því að þeir sem leggja leið sína að eldgosinu í Geldingadölum hafi gengið á nýstorknuðu hrauni.
Háttsemi ferðamanns sem hlaupa þurfti undan flæðandi hrauni vakti sérstaka athygli fyrr í mánuðinum, en myndband af atvikinu náðist á myndvél mbl.is á svæðinu.
Segjast ekki vera á kaldri slóð
Unnu að fullum heillindum að kaupum á TM
Gerir ráð fyrir 150 samningum í næstu viku
Sama stefna í gildi í útlendingamálum
Aðkoman í gripahúsið mjög slæm
„Búið að vera í dreifingu í einhvern tíma“