Mikil umferðarteppa er á Suðurlandsvegi vegna þriggja bíla áreksturs sem varð í Hveragerði. Röðin nær upp á Kambabrún, að sögn sjónarvottar, og að hringtorginu sem keyrt er í gegnum þegar komið er til Hveragerðis.
Vísir ræddi við lögregluna á Suðurlandi. Samkvæmt upplýsingum frá þeim er vegurinn ekki lokaður en umferð hefur tafist töluvert. Ekki urðu alvarleg slys á fólki.
Annar árekstur varð í gær, þá sjö bíla árekstur í Kömbunum.
Lögreglubílar og sjúkrabílar eru á svæðinu.