Kári G. Schram kvikmyndagerðarmaður vonast til þess að lík Johns Snorra Sigurjónssonar sé meðal þeirra sem fundist hafa á K2 í dag, eins og líklegt þykir. 

Frétt af mbl.is

Þriðja líkið er fundið

„Það væri gott ef þeir finnast því menn finnast vanalega ekki,“ segir Kári, sem fylgdi fjall­göngu­mann­in­um John Snorra áleiðis upp á fjallið árið 2017. 

Kári lýsti því hvernig hann var í þeirri ferð að finna lík jafnvel frá sjöunda og áttunda áratugnum. „Hendur með hringum og stígvél með beinum, jökullinn spýtir þessu út smátt og smátt.“ Pakistanarnir eru vanir að koma líkunum fyrir í sprungum og hylja þau þannig, að sögn Kára.

Flöskuháls er á Abruzzi Spur leiðinni á tind K2. Ísveggurinn er 400 metrum fyrir neðan tindinn en fjallgöngufólk þarf að skáskera um 100 metra af ístindum til þess að komast yfir ísvegginn sem er í 8.200 metra hæð. Hallinn er um 50-60 gráður og þetta er hættulegasti hluti leiðarinnar. Flestir þeirra sem hafa farist á K2 hafa látist í og við Bottleneck. Ljósmynd/Wikipedia.org/Rolf Zemp

Miðað við staðsetninguna telur Kári líklegt að um John Snorra sé að ræða. Þá sé þetta staðfesting á því hve langt þeir komust, en flöskuhálsinn er í 8.200 metra hæð og fjallið er 8.611 metrar. 

„Maður ímyndar sér að þeir séu á leið þarna upp, frekar en niður, þegar eitthvað kemur fyrir.“

Frétt af mbl.is

Vonar að John Snorri sé í fjórðu búðum

Kári segist vona að líkin tvö sem ekki hafa verið borin kennsl á séu af þeim John Snorra og Ju­an Pab­lo Mohr. Það muni veita fjölskyldunni frið og svigrúm til að anda léttar, þegar staðfest verður hvernig fór fyrir þeim.

Tengdar fréttir

John Snorri

Segir frásögn norsku fjallgöngukonunnar uppspuna

• Beðin að klippa á taug Johns Snorra
• Snjóflóðahætta fólgin í að færa lík Johns Snorra
• Ekki tókst að færa John Snorra
• Fundar með forsetanum á morgun

» Fleiri tengdar fréttir

• Blogga um frétt