Íslenskt fjarskiptafélag í kynningu á iPhone 13
Setja bókamerki
Apple kynntu í dag nýjustu kynslóð snjallsíma sinna, iPhone 13. Þegar talað var um afrek fyrirtækisins þegar kemur að 5G fjarskiptatækninni voru talin upp hin ýmsu fyrirtæki sem unnið hafa með Apple í úbreiðslu á 5G tækninni. Þar mátti til að mynda sjá Nova á Íslandi.
„Heimurinn færist hratt í áttina að 5G. Við erum að taka höndum saman við fleiri samstarfsaðila fyrir bestu hljóðgæðin, afkastagetuna, þjónustusvæðið og batteríendinguna,“ sagði Kiann Drance, forstöðumaður markaðsetningar iPhone-síma hjá Apple, þegar hún kynnti nýja símann.
Á listanum, uppi í vinstra horninu, er kennimerki íslenska fjarskiptafyrirtækisins Nova en fyrirtækið setti 5G í loftið 5. maí í fyrra.
Nova hafi leitt þróun 5G
Margrét Tryggvadóttir, forstjóri Nova, segir í samtali við mbl.is að 5G-væðingin sé bara rétt að byrja. Nova hafi leitt þróun 5G á Íslandi og sé eina fjarskiptafyrirtækið á Íslandi sem býður 5G í farsíma.
„Sífellt fleiri tæki eru að koma inn á markaðinn sem styðja 5G-hraða, bæði símar og önnur nettengd tæki. Það er ekki ofsögum sagt að þetta er bylting fyrir notendur þar sem 5G býður upp á meiri afköst og nákvæmni en áður þekktist,“ segir Margrét. Hún segir iPhone vera vinsælasta farsímann hjá viðskiptavinum Nova og mikil spenna fyrir nýrri kynslóð sem kynnt var í dag, iPhone 13.
Á annað hundrað símtala vegna nikótínvara
Nauðgaði kærustu sinni og tók það upp
Líkti forsetaframbjóðendum við Guðna Ágústsson
Unnu að fullum heillindum að kaupum á TM
Gul viðvörun tók gildi í morgun
Segir Samfylkinguna apa eftir Framsókn
„Búið að vera í dreifingu í einhvern tíma“
Gefur ekkert upp um leyfi til hvalveiða