Lögreglan á höfuðborgarsvæðinu segir að fyrirspurnir hafi borist hvort lögreglan muni hafa afskipti af bifreiðum sem er á nagladekkjum. Að sögn lögreglu verður það ekki gert í ljósi aðstæðna, en ökumenn hafa orðið varir við hálku á götum borgarinnar.
Þetta kemur fram í færslu sem lögreglan birti á Facebook.
Hún hvetur alla vegfarendur til að sýna aðgát og fara varlega.