Vegagerðin stefnir á morgun, þriðjudag, á að fræsa frárein á Vesturlandsvegi frá N1 á Ártúnshöfða og upp að rampi sem liggur upp á Höfðabakka.
Áætlað er að framkvæmdirnar standi frá klukkan 13-15.
Einnig er á morgun stefnt á að fræsa ramp frá Reykjanesbraut til norðurs og upp á Miklubraut til austurs. Áætlað er að framkvæmdirnar standi frá klukkan 9:30-14.
Vegfarendur eru beðnir að virða merkingar og lokanir og sýna aðgát við vinnusvæðin. Vinnusvæðin eru þröng og menn og tæki við vinnu mjög nálægt akstursbrautum, að því er segir í tilkynningu.