Ása Arnfríður Kristjánsdóttir hefur verið ráðin deildarstjóri lögfræðideildar Kópavogsbæjar. Alls bárust 23 umsóknir um stöðuna.
Ása hefur starfað hjá Kópavogsbæ frá árinu 2009, fyrst sem lögfræðingur hjá velferðarsviði en síðar á lögfræðideild bæjarins. Hún lauk prófi úr lagadeild Háskóla Íslands árið 2004 og öðlaðist málflutningsréttindi árið 2005.
Hún starfaði áður sem lögfræðingur hjá Securitas og hjá DP-lögmönnum.