Guðlaug Rakel Guðjónsdóttir, forstjóri Landspítala, segir að hún sé ekki búin að gera upp hug sinn um hvort hún sæki um starfið.
Starfið var auglýst í dag en Guðlaug var skipaður forstjóri í kjölfar þess að Páll Matthíasson sagði starfinu lausu fyrir skemmstu. Páll átti um tvö og hálft ár eftir af skipunartíma sínum þegar hann steig til hliðar og kom afsögn hans flestum að óvörum.
Um leið og tilkynnt var um skipun Guðlaugar var hún spurð hvort hún hygðist sækja um starfið að endingu, en hún er skipuð til áramóta.
Svaraði hún þá að hún ætti eftir að gera það upp við sig. Í samtali við mbl.is fyrr í dag sagðist hún enn óákveðin.
„Ég er ekki búin að gera upp hug minn, ég er ennþá bara stödd á sama stað,“ sagði Guðlaug.
Heilbrigðisráðherra skipar forstjóra Landspítala til 5 ára frá 1.mars á næsta ári, og er umsóknarfrestur til 1. nóvember.
Í tilkynningu um starfsauglýsinguna á vef Stjórnarráðsins segir um hæfniskröfur:
Þá er sagður kostur að umsækjandi hafi þekkingu á fjármálum hins opinbera.