„Þetta leggst bara ágætlega í mig, þingið kýs á miðvikudaginn þannig þetta gengur nú ekki í gegn fyrr en þá en ég er ósköp þakklátur fyrir það að vera tilnefndur af hálfu míns flokks,“ segir Birgir Ármannsson í samtali við mbl.is en fyrr í dag var greint frá því að Birgir verði tilnefndur forseti Alþingis.

Frétt af mbl.is

Tilnefna Birgi Ármanns sem forseta Alþingis

Birgir var varaforseti þingsins á árunum 2003-2007 og sat því í forsætisnefnd og tók virkan þátt í fundarstjórn á þeim árum. „Síðan var ég varaforseti í stuttu millibilsástandi veturinn 2016-2017,“ segir Birgir en hann varð í kjölfar kosninganna 2017 þingflokksformaður og hefur verið það síðan.

Ágætis jafnvægi milli ólíkra flokka

Spurður hvort hann sé ánægður með hinn nýbakaða ríkisstjórnarsáttmála jánkar Birgir því. „Já já, ég er sáttur við þessa niðurstöðu í stjórnarmyndunarviðræðunum og hlakka til komandi kjörtímabils. Þetta er auðvitað plagg sem tekur á mjög mörgum mismunandi þáttum og ég held að í því sé ágætis jafnvægi milli sjónarmiða ólíkra flokka. Ég held að það hafi tekist vel að finna slíkt jafnvægi.“

Bjarni Benediktsson fjármálaráðherra sagði í viðtali við Ríkisútvarpið í dag að samkomulag væri milli stjórnarflokkanna þriggja um að Sjálfstæðisflokkurinn tilnefndi forseta Alþingis en þingið kýs um það á miðvikudaginn. Bjarni sagði í kjölfarið að Birgir nyti mikils stuðnings þingflokksins og virðingar og trausts annarra flokka á Alþingi. Hann tryði því ekki að nokkuð kæmi í veg fyrir að Birgir yrði kosinn.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt