700.000 erlendir ferðamenn 2021

Skarphéðinn Steinarsson ferðamálastjóri segir óverulega aðlögun hafa orðið í ferðaþjónustu í fyrra hvað snertir fjölda fyrirtækja.

„Það hefur ekki orðið fækkun í greininni og fjárhagsleg afkoma á árinu 2020 er heldur skárri en hefði mátt óttast,“ segir Skarphéðinn.

Ferðamálastofa mun í dag kynna nýja skýrslu um fjárhagsstöðu ferðaþjónustunnar.

Samkvæmt fyrri skýrslunni, sem kom út fyrir jól 2020, var það mat KPMG að afkoma greinarinnar yrði jákvæð við 1.230 þúsund ferðamenn á árinu 2021, ef gert væri ráð fyrir aðlögun með slitum félaga sem ekki voru lífvænleg í árslok 2019. Til samanburðar komu hingað tæplega 700 þúsund erlendir ferðamenn í fyrra, borið saman við 486 þúsund á árinu 2020, en báðar tölur eru langt undir viðmiði KPMG. Þá má rifja upp að hingað komu rúmlega tvær milljónir ferðamanna 2019 en þá var niðursveifla eftir gjaldþrot WOW air.