Ragnheiður afþakkaði bréfið frá Arnari
Setja bókamerki
Ragnheiður Ósk Erlendsdóttir, framkvæmdastjóri hjúkrunar hjá Heilsugæslunni á höfuðborgarsvæðinu, segist í samtali við mbl.is ekki hafa tekið við bréfi samtakanna Frelsi og ábyrgð um mögulega skaðsemi bólusetningar barna.
mbl.is greindi frá því í morgun að Arnar Þór Jónsson, lögmaður og varaþingmaður Sjálfstæðisflokksins, hefði sent opið bréf fyrir hönd samtakanna þar sem hann spyr viðtakendur bréfsins meðal annars að því hvort þeir vilji skipa sér í „flokk með þeim sem hyggjast beita lyfjafræðilegum inngripum gagnvart börnum með ófyrirsjáanlegum afleiðingum“.
„Það kom hérna póstur og dinglaði og vildi að ég skrifaði undir en ég afþakkaði það,“ segir Ragnheiður en bréfið var sent á fjölmarga aðila.
Allt að smella í höllinni
Bólusetning barna á aldrinum fimm til ellefu ára hefst á mánudag í Laugardalshöll. Innt eftir því hvort allt sé að verða klárt segir Ragnheiður svo vera.
„Þetta er allt að smella. Það er komið fullt af litlum klefum, bæði inni í sal og uppi á svölunum.“
Hún segist finna fyrir almennum stuðningi við bólusetningu barnanna og nefnir að nú þegar hafi mikið af börnum fengið bólusetningu. „Fólk vill bara drífa í þessu.“
Bólusett verður alla vikuna og segir Ragnheiður að rólega verði farið af stað fyrsta daginn.
„Við bara krossum fingur fyrsta daginn og sjáum hvernig þetta keyrist hjá okkur,“ segir hún og nefnir að færri börn séu boðuð á mánudaginn heldur en dagana á eftir.
Skiptir miklu meira máli en fólk grunar
Skemmtiferðaskip hætt komið nærri Viðey
Verðbólgan komin niður í 6%
„Það þarf að vinna mikinn fjölda upp“
Vélsleðaslys: Þyrlan kölluð út á mesta forgangi
Eyjafjarðarbraut lokað vegna alvarlegs umferðarslyss