915 innanlandssmit í gær
Setja bókamerki
915 einstaklingar greindust með Covid-19 innanlands í gær og 134 smit greindust á landamærunum.
Um er að ræða bráðabirgðatölur, en staðfestar tölur verða uppfærðar á á covid.is á mánudag ásamt upplýsingum um fjölda sýna sem voru tekin.
Alls voru 410 í sóttkví við greiningu.
Í dag eru 9365 í einangrun og 9798 í sóttkví, en þeim sem eru í einangrun fækkar töluvert á milli daga.
Fólk má útskrifa sig sjálft
Fram kemur í tilkynningu frá almannavörnum að vegna mikils álags á Covid-göngudeildinni er einkennalausu fólki nú heimilt að útskrifa sig sjálft að lokinni sjö daga einangrun án samráðs við göngudeildina.
Eins og áður er dagur núll dagurinn sem einstaklingur fer í PCR próf og fær jákvæða niðurstöðu. Hvorki jákvætt heimapróf né hraðpróf má nota sem viðmið fyrir dag núll.
Gildir líka um þau sem eru á sama stað og smitaður
Breyttar reglur sem tóku gildi á föstudaginn, um sóttkví fyrir þau sem hafa fengið örvunarskammt og eru útsettir fyrir Covid-19 gilda fyrir alla sem eru í sóttkví, einnig þá sem eru á sama stað og smitaður einstaklingur.
Allir sem uppfylla skilyrði um að sleppa sóttkví þurfa engu að síður að fara í PCR próf á fimmta degi frá útsetningardegi.
Fjárfestingin 115 milljarðar króna
29 nautgripir fundust dauðir
Ofsóttur innan veggja Boeing
Ísraelar hefna árásarinnar
„Menn eru bara búnir að forgangsraða“
„Það er skiljanlegt að þolinmæði þeirra sé lítil“
Markaðurinn hitnar og leiguverð hækkar hratt