Stærsti eftirskjálftinn upp á 2,8

Eftirskjálftar hafa mælst í nótt og í morgun eftir að jarðskjálfti, 3,5 að stærð, varð klukk­an 1:51 í nótt, tæp­um átta kíló­metr­um norðnorðvest­ur af Gjög­ur­tá. 

Stærsti eftirskjálftinn til þessa varð klukkan hálfsex í morgun sem var 2,8 að stærð. Salóme Jórunn Bernharðsdóttir, náttúruvársérfræðingur hjá Veðurstofu Íslands, segir í samtali við mbl.is að líklegt sé að það verði stærsti eftirskjálftinn. 

Frétt af mbl.is

3,5 stiga skjálfti norður af Gjögurtá

Veðurstofu hafa ekki borist tilkynningar um að eftirskjálftinn hafi fundist en þó nokkuð margar tilkynningar bárust um að jarðskjálftinn í nótt hafi fundist, sérstaklega á Siglufirði og Húsavík.

Endurtekið efni

Salóme segir að jörð hafi ekki skolfið í nokkurn tíma á þessum slóðum en minnir á að mikil virkni var á svæðinu í júní árið 2020. „Þá var töluvert mikil virkni á þessu svæði og í Eyjarfjarðarálnum,“ segir hún. 

„Það má segja kannski að að þetta sé endurtekið efni; við sjáum landris í Þorbirni og svo smá virkni til að minna á sig þarna fyrir norðan,“ segir Salóme. 

• Blogga um frétt