Búið er að opna matvöruverslun Nettó í Hafnarfirði á nýjan leik en henni var lokað tímabundið í morgun vegna skotárásar, sem átti sér stað í blokk fyrir aftan verslunina á Miðvangi. Þetta segir verslunarstjórinn, Lilja Gunnarsdóttir, í samtali við mbl.is.

Frétt af mbl.is

Byssumaðurinn enn inni í íbúðinni

Frétt af mbl.is

Gengur „rólega“ að tala við hinn grunaða

Að sögn hennar var enginn starfsmaður verslunarinnar mættur til starfa þegar skotárásin átti sér stað, enda opnar verslunin klukkan tíu. Lögreglu var tilkynnt um að skotið hefði verið úr íbúðablokk á bifreið laust fyrir klukkan átta í morgun. 

Lögreglan keypti matvæli og drykki

Blaðamaður mbl.is var á staðnum og sá nokkra viðskiptavini ganga hversdagslega að versluninni sem var umkringd lögreglubílum í þeim tilgangi að versla þar. Þeir komu að lokuðum dyrum. Starfsmenn voru þá inn í versluninni og vissu lítið um það sem átti sér stað, að sögn Lilju.

Lögreglan verslaði þó nokkuð í morgun á meðan að aðgerðir áttu sér stað. mbl.is/Eggert Jóhannesson

Lögreglan fékk þó að koma inn og voru keypt ýmis matvæli og drykki fyrir lögreglumenn á vettvangi. Spurð hvort að þetta hafi ekki verið óvenjulegur dagur fyrir starfsfólk Nettó, svarar Lilja því játandi.

Tengdar fréttir

Lögregluaðgerðir í Miðvangi í Hafnarfirði

Var ófær um að stjórna gjörðum sínum

• Skotmann í Hafnarfirði skorti sakhæfi
• Ákærður fyrir manndrápstilraun við leikskólann
• Taka þurfi fjölgun skotárása mjög alvarlega
• Börnin kannski að hugsa eitthvað allt annað

» Fleiri tengdar fréttir

• Blogga um frétt