Ríkissaksóknari tjáir sig ekki um kæruna

Ríkissaksóknari mun ekki tjá sig um kæru Samtakanna '78 á hendur Helga Magnúsi Gunnarssyni vararíkissaksóknara vegna umdeildra ummæla sem hann lét falla í garð samkynhneigðra hælisleitanda í færslu á Facebook.

„Kærumálið fer í hefðbundinn farveg hjá lögreglustjóranum á höfuðborgarsvæðinu líkt og fram hefur komið af hálfu lögreglustjórans og tjái ég mig ekki um það mál,“ segir Sigríður J. Friðjónsdóttir ríkissaksóknari í skriflegu svari við fyrirspurn mbl.is.

Frétt af mbl.is

Samtökin '78 hafa lagt fram kæru

Frétt af mbl.is

Ummæli Helga til skoðunar hjá ríkissaksóknara

Þá segir hún mál Helga Magnúsar enn vera til meðferðar og gat hún ekki veitt frekari upplýsingar um það.

Í svarinu kemur einnig fram að vararíkissaksóknari sé í sumarleyfi og verði það næstu vikurnar.

Frétt af mbl.is

Hefur ekki verið beðinn um að stíga til hliðar

Helgi Magnús sagði í samtali við mbl.is í gær að hann hefði ekki verið beðinn um að stíga til hliðar vegna færslunnar og að hann teldi sig ekki hafa brotið lög með henni.

Í færslunni sagði: „Flest­ir hæl­is­leit­end­ur koma í von um meiri pen­ing og betra líf. Hver lýg­ur sér ekki til bjarg­ar? Þar fyr­ir utan er ein­hver skort­ur á homm­um á Íslandi.“

• Blogga um frétt