Fylgst með umferðinni úr lofti um verslunarmannahelgina

Lögreglan verður með öflugt eftirlit með bílaumferð um verslunarmannahelgina. Liður í því er að lögreglumenn munu fylgjast með umferðinni úr þyrlu Landhelgisgæslunnar og stöðva ökumenn, sem ekki fylgja umferðarreglum.

Á myndinni sést Guðmundur Vignisson, lögreglumaður á Akureyri, yfirfara hraðamælingartæki en hann flaug með TF-GNÁ frá Reykjavík yfir hringveginum til Akureyrar í gær. Í dag mun lögreglumaður á Hvolsvelli fara með þyrlunni og fylgjast með umferð á vegum á Suðurlandi.