Rauður litakóði fyrir flugumferð er nú í gildi yfir Krýsuvík vegna eldgossins við Fagradalsfjall sem hófst í dag. 

Birta Líf Kristinsdóttir, veðurfræðingur hjá Veðurstofunni, segir að litakóðanum hafi verið breytt um leið og staðfesting hafi borist um að eldgos væri hafið.

Rauði kóðinn merkir að möguleiki sé á því að aska berist upp í andrúmsloftið en segir þó ekki hvert búist er við að hún fari eða hvert raunverulegt hættusvæði sé. Slíkar upplýsingar koma fram í annars konar viðvörunarkerfi.

Þá merkir rauði kóði Veðurstofunnar ekki að bannað sé að fljúga yfir svæðið. Slíkar ákvarðanir liggja hjá flugmálayfirvöldum en þær eru teknar með hliðsjón af þessum upplýsingum.

Tengdar fréttir

Eldvirkni á Reykjanesskaga

Helmingur umsókna samþykktur fyrir vikulok

• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu
• Ný mynd sýnir hvernig enn gýs úr gígnum

» Fleiri tengdar fréttir

• Blogga um frétt