Snúin staða sem kemur ekki á óvart
Setja bókamerki
„Staðan er auðvitað mjög snúin og þarf það ekki að koma neinum á óvart. Við erum að koma úr heimsfaraldri sem hafði verulegar efnahagslegar afleiðingar og í kjölfarið hefst stríðið í Evrópu sem er einnig að hafa efnahagslegar afleiðingar. Þannig að áskoranirnar hafa breyst.“
Þetta segir Katrín Jakobsdóttir forsætisráðherra í samtali við mbl.is um nýútgefna skýrslu sem tveir hagfræðingar unnu fyrir Þjóðhagsráð um stöðu og horfur á vinnumarkaði í aðdraganda kjarasamninga.
Í skýrslunni kemur meðal annars fram að takmarkað svigrúm sé til launahækkana.
„Það sem hagfræðingarnir eru að draga fram er þessi snúna staða sem við hljótum öll að vera sammála um. Það er ekki hægt að neita því að þetta eru forsendur sem enginn gat séð fyrir,“ segir Katrín.
Aðhald í ríkisrekstri
Í maí tilkynntu stjórnvöld mótvægisaðgerðir til að draga úr áhrifum verðbólgu á lífskjör viðkvæmustu hópa samfélagsins. Voru bætur almannatrygginga og húsnæðisbætur meðal annars hækkaðar.
Aðspurð segir Katrín að stjórnvöld muni halda áfram að reyna draga úr áhrifum verðbólgunnar.
„Við höfum boðað ákveðið aðhald í ríkisrekstri á árinu 2023 til þess að vinna með peningastefnunni, þannig að við getum dregið úr áhrifum verðbólgunnar og séum ekki að valda þenslu ofan í þessa stöðu. Þannig að það er verið að slá framkvæmdum á frest og það er verið að boða aukna tekjuöflun til þess að takast á við þessa stöðu.“
„Mér finnst Halla Hrund svona Vigdísarleg“
Myndir: Reynir við heimsmet í Hlíðarfjalli í dag
Sáttur við sína stöðu og finnur fyrir meðbyr
Myndskeið: „Fólk var komið ískyggilega nálægt“
Bifreið ekið á skrifstofu Útlendingastofnunar
Baldur: „Ég ætla að svara þessu kalli“
Íslendingar ein mest einmana þjóð heims