Hraunið úr eldgosinu við Fagradalsfjall er að verða komið yfir skarðið í Eystri-Meradölum og stefnir það í átt að Suðurstrandarvegi. Um fjórir kílómetrar eru frá skarðinu og að veginum. Það gæti því tekið hraunið um tvær til þrjár vikur, eða jafnvel nokkra daga, að komast þangað ef sami kraftur helst í gosinu.

Þetta segir Ármann Höskuldsson, eldfjallafræðingur, í samtali við mbl.is.

Að sögn Ármanns er framleiðnin í eldgosinu nú um 15 rúmmetrar á sekúndu, sem er svipað og hefur verið undanfarna daga.

Ekki er ólíklegt að hraunið fari yfir gönguleið sem liggur út með hlíðum Fagradalsfjalls, auk þess sem það gæti farið yfir svæði sem ljósleiðari liggur undir.

Tengdar fréttir

Eldvirkni á Reykjanesskaga

Skelfur í kringum landið

• „Erum á stað sem við höfum ekki séð áður“
• Um níutíu skjálftar í hrinunni
• Skila lyklum til eigenda fasteigna
• Jarðskjálftahrina hafin á Reykjanesskaga

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Yfirlýsingaglaðir "eldfjallafræðingar"