Gallar á brúnni rannsakaðir

Meiri ágallar reyndust vera á nýrri brú sem verið er að byggja yfir Jökulsá á Sólheimasandi en upphaflega leit út fyrir þegar steypumót voru fjarlægð.

Samkvæmt upplýsingum frá Vegagerðinni hefur verið unnið að lagfæringum en einnig hafa farið fram rannsóknir á umfangi vandans. Verið er að vinna úr þeim rannsóknum. Vegna þessa hefur tafist að brúin verði tekin í notkun.

Framkvæmdum hefur þegar seinkað verulega vegna steypuskemmdanna en Vegagerðin vonast til að hægt verði að taka brúna í notkun á næstu vikum.

Nánar í Morgunblaðinu.