Heimgreiðslur til foreldra snúið mál
Setja bókamerki
Einar Þorsteinsson, borgarfulltrúi Framsóknarflokksins og formaður borgarráðs, segir snúið mál að greiða foreldrum sem eru með börn á biðlista eftir leikskólaplássi í Reykjavík biðlistabætur. Hann segir þurfa nýta fjármagn borgarinnar vel og bendir á lagalegt álitamál tengt biðlistabótum til foreldra.
Í dag kynnti meirihluti borgarráðs sex tillögur um lausnir á leikskólavandanum. Biðlistabætur eru ekki meðal tillagnanna.
Kristín Tómasdóttir, fjögurra barna móðir og fjölskyldumeðferðarfræðingur sem hefur staðið fyrir mótmælum vegna leikskólavandans í Reykjavíkurborg, tók til máls eftir að búið að var að kynna tillögurnar. Kallaði hún eftir því að borgin myndi greiða foreldrum biðlistabætur þar sem margir hefðu þurft að hætta vinnu.
Á fundi borgarráðs þann 11. ágúst lögðu fulltrúar Sjálfstæðisflokksins til að foreldrar þeirra barna sem væru orðin 12 mánaða eða eldri og enn á biðlista fengju um 200.000 krónur í mánaðarlegar biðlistabætur.
Víða biðlistar í borginni
„Það þarf að nýta fjármagnið sem best til að auka úrræðin. Það eru víða biðlistar í borginni,“ segir Einar í samtali við mbl.is. Sem dæmi nefnir hann biðlista eftir félagslegu húsnæði og þjónustu við fatlað fólk.
„Það er alveg viðbúið að þeir sem myndu fá biðlistabætur í leikskólakerfinu myndu ekki vera þeir einu sem myndu gera kröfu um biðlistabætur. Af því að aðrir hópar sem eiga rétt á lögbundinni þjónustu munu telja sig eiga skýra kröfu á að fá bætur líka. Í því samhengi má benda á að leikskólaúrræði er ekki lögbundin skylda sveitarfélaganna,“ bætir Einar við.
Fatlaðir einstaklingar muni gera skýra kröfu
Að sögn Einars hefur hann þegar fengið skilaboð frá fulltrúum hagsmunasamtaka fatlaðs fólks um að þau muni gera skýra kröfur um bætur, enda sé þeirra þjónusta lögbundin.
„Þá eru þessar upphæðir farnar að hlaupa á milljörðum mjög hratt. Það eru milljarðar sem fara þá ekki í þessa innviði,“ segir Einar.
Tillögunni um biðlistabætur var ekki hafnað af borgarráði. Var hún sendi til umsagnar hjá fjármála- og áhættustýringarsviði sem mun greina umfang hennar og þau lagalegu sjónarmið sem eru uppi varðandi jafnræði gagnvart örðum hópum.
„Þetta náttúrulega endar með ósköpum“
Tapa fimm milljónum á dag
„Mér finnst Halla Hrund svona Vigdísarleg“
Áköf mótmæli í bandarískum háskólum
Moses Hightower og Prins Póló gefa út eyjalag
Fara ekki lengur fram á einangrun yfir Davíð
„Þetta er pínu óvanaleg staða“
Baldur: „Ég ætla að svara þessu kalli“