Handtekinn í sumar vegna hótana með skotvopn
Setja bókamerki
Árásarmaðurinn á Blönduósi var handtekinn í sumar eftir að hafa haft í hótunum með skotvopni, samkvæmt heimildum mbl.is. Manninum var sleppt í kjölfarið.
Þá herma heimildir að maðurinn hafa komið oftar við sögu lögreglu. Vísir.is greindi fyrst frá en heimildir mbl.is herma það sama.
Tveir létust og einn særðist skotárásinni sem átti sér stað í heimahúsi á Blönduósi rétt fyrir klukkan hálfsex í morgun. Árásarmaðurinn var annar hinna látnu. Samkvæmt heimildum mbl.is var hann fyrrverandi starfsmaður þess sem varð fyrir árásinni.
Árásarmaðurinn fannst látinn á vettvangi
Samkvæmt tilkynningu frá lögreglu var skotvopni beitt gegn tveimur einstaklingum, annar þeirra lést og hinn særðist. Þá fannst árásarmaðurinn látinn á vettvangi. Tveir eru í haldi lögreglu vegna málsins. Fólkið sem tengist málinu er allt heimafólk.
Samkvæmt upplýsingum frá Rauða krossi Íslands hafa tveir viðbragðshópar með sjálfboðaliðum sem sérhæfa sig í áfallaviðbrögðum og sálrænni skyndihjálp verið sendir á Blönduós. Annars vegar er viðbragðshópur frá Skagaströnd og hins vegar frá Akureyri.
Áverkar bentu til manndráps
„Þetta náttúrulega endar með ósköpum“
„Mér finnst Halla Hrund svona Vigdísarleg“
Myndskeið: „Fólk var komið ískyggilega nálægt“
Myndir: Reynir við heimsmet í Hlíðarfjalli í dag
Baldur: „Ég ætla að svara þessu kalli“
Íslendingar ein mest einmana þjóð heims
Tæknideild komin norður vegna andlátsins