Stærir sig af sprengjugerð á Selfossi
Setja bókamerki
Notandi á samfélagsmiðlinum TikTok frá Selfossi sýnir frá því þegar hann sprengir heimatilbúnar sprengjur.
Á undanförnum dögum hefur lögreglunni á Suðurlandi borist tilkynningar um sprengingar á Selfossi sem lögreglan hefur staðfest að séu heimatilbúnar sprengjur þar sem notast er við ætandi efni ásamt öðrum efnum við gerð sprengnanna.
Á reikningnum á TikTok má sjá tilraunir með heimatilbúnar sprengjur. Elsta myndbandið er frá því fyrir þremur dögum síðan en þar stendur: „Svona gerir maður bobu“. Í lýsingunni á myndbandinu segir að það heyrist „miklu hærra í persónu“.
Notandi spyr í athugasemd hvað sé notað í sprengjunni og svarar eigandi reikningsins að það sé natríumhýdroxíð, eða vítissódi.
„Hver vill uppskrift?“
Í öðru myndbandi er sagt „Tilraun #2“ og í undirskriftinni er spurt: „Hver vill uppskrift?“. Nokkrir hafa svarað í athugasemdum og sagst vera áhugasamir um uppskriftina.
Tvö myndbönd eru tileinkuð fréttum af sprengjum á Selfossi og er klippt saman myndbrot úr fyrri myndböndum af heimatilbúnum sprengjum.
Færa slökkviliðið til nútímans
Segjast hafa skotið niður langdræga sprengjuvél
Ofsóttur innan veggja Boeing
Innviðir þandir og álagið „gríðarlegt“
Hyggjast leyfa fólki að skoða gosið
Sárt að horfa upp á illa meðferð fjármuna
Bjarkey stendur við skammarbréf Svandísar