Sigurður Hannesson, stjórnarformaður Sinfóníuhljómsveitar Íslands (SÍ), gerir fastlega ráð fyrir því að stjórn hljómsveitarinnar muni ræða mál Árna Heimis Ingólfssonar, fyrrverandi tónlistarstjóra, á fundi sínum á miðvikudag. Ríkisútvarpið greinir frá.
Á fimmtudaginn greindi Bjarni Frímann Bjarnason tónlistarmaður frá því að Árni hefði brotið á sér kynferðislega.
Segist hann hafa greint stjórnendum hljómsveitarinnar frá brotinu en að málinu hafi verið stungið undir stól.
Lára Sóley Jóhannsdóttir, framkvæmdastjóri Sinfóníuhljómsveitar Íslands, segir að hljómsveitin hafi tekið mál alvarlega þegar það kom fyrst inn á borð stjórnenda. Hún hefur þó sagt tilefni til að taka málið upp að nýju.