„Mér finnst það mjög miður að hafi orðið sú raunin hjá VR að slíta viðræðunum,“ sagði Katrín Jakobsdóttir forsætisráðherra í morgun eftir ríkisstjórnarfund um stöðuna sem hefur komið upp í kjaraviðræðum VR við SA.

Frétt af mbl.is

Segja forsendur vera brostnar

Katrín segir að ríkisstjórnin hafi þó ekki rætt málið sérstaklega á fundi þeirra í morgun.

„Þetta gerðist auðvitað bara á meðan við vorum [að funda]. En auðvitað fórum við yfir þetta í tengslum við tíðindi gærdagsins. Það er auðvitað bara þannig að vaxtahækkunin er ákvörðun og hlutverk Seðlabankans. Þau fara með þetta lögbundna hlutverk – ákveða vexti og halda verðbólgumarkmiði. Hins vegar er alveg ljóst að þessi ákvörðun hleypti málum í ákveðið uppnám við kjaraborðið.“

Frétt af mbl.is

Ágætis samtal við forsætisráðherra

Katrín fundaði með aðilum vinnumarkaðarins í Stjórnarráðinu í gær.

Kom ákvörðun VR þér á óvart í ljósi fundarins í gær?

„Fundurinn með forystumönnum var bara mjög góður og þar fór ég yfir hvað stjórnvöld geta gert til þess að leggja sitt að mörkum og greiða fyrir lausn. En auðvitað er það svo að fyrst þurfa auðvitað samningsaðilar að ná saman áður en stjórnvöld koma að,“ segir Katrín að lokum.

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Ásmundur: Styð að við bætum kjör og aðbúnað kennara

» Fleiri tengdar fréttir

• Blogga um frétt