Einlæg gleði á Austurvelli

Gleðin leyndi sér ekki þegar kveikt var á ljósum Óslóartrésins á Austurvelli í dag. Það kom í hlut hins níu ára gamla Sanders Snæs Seim Sigurðssonar að aðstoða Dag B. Eggertsson borgarstjóra að tendra ljósin á trénu. 

Hallstein Bjercke, borgarfulltrúi frá Ósló, afhenti borgarstjóra bókargjöf frá Óslóarborg. Sigríður Thorlacius og Valdimar Guðmundsson fluttu hugljúf lög við athöfnina og jólasveinar kíktu á samkomuna.